طراطير فى المجتمع
خلى بالك من زوزو

شىء غريب لما تلاقى مطربة " عرى و إباحية " رايحة تستلم جائزة و رابطة وراها واحد بسلسلة " و عندما تسأل عن هذا المخلوق الفضائى " يقولوا لك ( إنه زوجها ) , و شىء آخر غريب ان تجد مطربة او ممثلة فى فيلم ترتمى فى احضان شخص ليس زوجها داخل هذا الفيلم و لحظة افتتاح الفيلم فى السينما تجد ( زوجها الحقيقى ) يصفق لها بحرارة على هذه المشاهد .. و  اقول له ( رجولة يا عبد السميع ) !!

محطات الكليب .. لماذا لا تستعينوا بالــ…….
من اجل توفير المجهود فى التعاقد مع " العاريات " مباشرة !

اقترح على فضائيات العرى كليب و خصوصاً " ميلوداى " اقامة اتفاقية ( شرف .. أقصد ميثاق شرف ) مع بعض بيوت الاداب  .. يتم بموجب هذه الاتفاقية تبادل الخبرات و الكوادر البشرية بالجملة و بالقطعة لسد حاجة المنتجين الغلابة , حتى تتمكن فضائيتكم ( الموقرة ) من توصيل الرسالة السامية الى الشباب  !!

حينما تجد مخبرين على المساجد و دعم للملاهى الليلة
عليك ان ترفع حواجبك احتراماً لنظام الحكم

حينما تجد ( الملاهى الليلية مفتوحة ليل نهار دون رقابة او مضايقات ) وتجد المساجد تغلق فور الصلاة و يحيطها من الخارج بعض الرجال ممن يحملون الجرائد المخرومة و على أبوابها أقفال لم تكن متواجدة فى عصور ماضية كان الإسلام فيها القوة العظمى .. حينما تجد كل ذلك و فى هذه الحالة يجب ان ترفع حواجبك إحتراماً لنظام الحكم .

العلمانية الأنانيـة محتاجة سمكرى
حرية الإبداع لكم و احنا نروح المعتقل

يعنى لما أحنـا نعتـرض على أشياء بديهيـة واجب الإعتراض عليهـا , مثل العرى و الإباحيـة فى الفيديـو كليب ( يبقى احنا كده ناس وحشين و ما نقوم به هو حجر على الأراء و منع لحرية التفكير و الإبداع ) , و لمـا المطربة خريجة ثانوى تجارى تقول أن الملتزمين اسوأ ناس فى العالم علشان مش بيحبو ( هز الوسط ) يبقى هى ( مطربة مثقفة و ما تفعله هو حرية رأى و تعبير و ان الملتزمين فعلا ناس ( ياي يـاى ) و ان الرقص هاى هـاى )  .. و لازم كل من يعترض عليهم يروح المعتقل ( باى باى ) !

 العرى و التفاهة مسموح لها فى كل مكان
و ممنوع و محرم على عمرو خالد و الدعاة  ؟

حينما يصدر قرار سيادى بمنع عمرو خالد من القاء الدروس فى مساجد مصر بينما يصدر قرار
آخــر بإحضار راقصات من الخارج للحصول على جوائز تقديرية و أحياء بعض الحفلات الساقطة التى تضر بالشباب و هوية الدولة فهذا يدلل على ان الدولة تشجع الفن و ترفض إرهاب الدعـاة …. صح و اللا انا غلطان ؟!!

 إيناس الدغيدى بنت حلال و محترمة
أما الدعاة ولاد ……… عملاء و خونة

نصائح للشباب حتى لا يتم اعتقالهم
ارتدى سلسلة فى رقبتك .. و هز وسطك شوية 

أوعى تدخل المسجد كثير يعنى هدى نفسك شوية … لو أشتغلت فى الدعوة وتعليق الملصقات سيتم اعتقالك وتبقى معتقل سياسى لانك عايز الناس تصلى .. عايز تبقى شاب معتدل و وسطى ( أسمع إلتهاب توفيق و أرقص على كلام إليسا ) .. تعرف تقص شعرك ( سبايك ) و تلبس سلسلة فى رقبتك زى الكلب تبقى انت كده شاب ( صح الصح ) .. و مش هتلاقى حد يضايقك فى المسجد أو فى الشارع وهتكون ماشى بكل حرية بدون ما مخبر يبحلق لك و لا حد يعمل لك أستدعاء فى أمن الدولة

نقلا عن موقع (حماسنا)